Punëtorët e Kompanisë “Pastrimi” kanë nisur grevën e para ndërtesës së Komunës së Prishtinës.

Në njoftimin e Shoqatës Sindikale të “Pastrimit” për grevën, thuhej se qëllimi i saj është shprehja e pakënaqësisë dhe kërkesës për zgjidhje emergjente ndaj situatës së rëndë financiare ku është futur ndërmarrja, “si pasojë e mosshlyerjes së obligimeve financiare nga Komuna”.

“Formati i tubimit: Pjesëmarrës: rreth 300 punëtorë dhe të punësuar të KRM “Pastrimi”; Vendndodhja: përreth objektit të Komunës së Prishtinës, me qëndrim të vazhdueshëm; Do të përdoren rreth 20 kamionë, të cilët do të parkohen në mënyrë të rregullt dhe pa bllokuar rrugët emergjente; Greva do të jetë paqësore, pa ndërhyrje në veprimtarinë e organeve publike, dhe në koordinim me autoritetet policore”, thuhej në njoftim.

Kujtojmë se kompania “Pastrimi” ka ndërprerë tash e sa ditë grumbullimin e mbeturinave në kryeqytet.

Kjo pasi kjo kompani akuzon Komunën e Prishtinës për mospagesë të borxhit prej 2.7 milionë eurosh.

Kjo është mohuar nga kryetari i Prishtinës, Përparim Rama duke e akuzuar ndërmarrjen për sabotazh./Arbresh.info